இலங்கையிலிருந்து சட்டவிரோதமான முறையில் ஒரு தொகை வல்லப்பட்டைகளை கடத்திச் செல்ல முற்பட்ட நான்கு இலங்கையர்கள் கட்டுநாயக்க விமான நிலையத்தில் வைத்து விமான நிலைய சுங்க போதை தடுப்பு பிரிவினரால் கைது செய்யப்பட்டுள்ளனர்.
நேற்று இரவு 9.35 மணியளவில் 9W252 என்ற விமானத்தில் டுபாய் நோக்கி புறப்பட இருந்த போதே இவர்கள் கைது செய்யப்பட்டுள்ளனர்.
தமது பயணப் பொதியில் மறைத்து இவற்றை கடத்திச் செல்ல முற்பட்ட வேளை நால்வரும் கைது செய்யப்பட்டுள்ளதுடன், 60 வயது, 45 வயது, 35 வயது மற்றும் 21 வயதுடைய நால்வரே கைது செய்யப்பட்டதாக சுங்க ஊடகப் பேச்சாளர் கூறியுள்ளார்.
சுமார் 116 கிலோ கிராம் வல்லப்பட்டைகள் கைப்பற்றப்பட்டுள்ளதுடன், அவற்றின் பெறுமதி 12 மில்லியன் ரூபா என்று மதிப்பிடப்பட்டுள்ளது.
வல்லப்பட்டைகள் சுங்கப் பிரிவினரால் பறிமுதல் செய்யப்பட்டதுடன், ஒரு சந்தேகநபரிடம் 700,000 ரூபா படி 28 இலட்சம் ரூபா தண்டம் விதிக்கப்பட்டதாக சுங்க ஊடகப் பேச்சாளர் கூறியுள்ளார்.
