யாழ். நல்லூர் கந்தசுவாமி ஆலயத்தின் வருடாந்த மஹோற்சவத்தின் 18ஆம் நாள் திருவிழா இன்று இடம்பெறுகின்றது.
இன்றைய திருவிழாவின் சிறப்பம்சமாக அருணகிரிநாதர் உற்சவம் நடைபெறுகின்றது.
நல்லூர் கந்தசுவாமி ஆலயத்தின் வருடாந்த மஹோற்சவ திருவிழா கடந்த மாதம் 28ஆம் திகதி கொடியேற்றத்துடன் ஆரம்பமாகியது.
இதில் 10ஆம் நாளன்று மஞ்சம் திருவிழா நடைபெற்றது. 18ஆம் நாளான இன்று அருணகிரிநாதர் உற்சவம் சிறப்பாக நடைபெறுகின்றது.
இதன்போது நல்லூர் கந்தன் வள்ளி தெய்வானையுடன் வெளிவீதியுலா வலம் வந்து பக்தர்களுக்கு காட்சி கொடுத்துள்ளார்.
தொடர்ந்து 25 நாட்கள் நடைபெறும் இந்த திருவிழாவை காண நாட்டின் பல பாகங்களில் இருந்தும் பெருந்திரளான பக்தர்கள் வருகை தருகின்றமை சிறப்பம்சமாகும்.
