கனடா ரொறொன்ரோ பகுதியில் இடம்பெற்ற வாகன விபத்தில் இருவர் உயிரிழந்துள்ளதாக தெரிவிக்கப்படுகின்றது.
நேற்றிரவு சுமார் 8 மணியளவில் நடைபெற்ற குறித்த விபத்து வீதிப் பந்தயம் காரணமாக இடம் பெற்றிருக்கலாம் என ஆரம்பகட்ட விசாரணைகளின் மூலம் பொலிஸார் குறிப்பிட்டுள்ளனர்.
விபத்தில் படுகாயமடைந்த மேலும் நால்வர் மருத்துவமனையில் அனுமதிக்கப்பட்டுள்ளதாகவும் தெரிவிக்கப்படுகின்றது.
இதேவேளை, ரொறொன்ரோ பகுதியில் நேற்று பகல் இடம்பெற்ற மற்றுமொரு தொடர் வாகன விபத்தில் இருவர் காயமடைந்துள்ளனர்.
ஒன்றின் பின் ஒன்றாக வந்த வாகனங்கள் அடுத்தடுத்து மோதிக்கொண்டதால் குறித்த விபத்து இடம்பெற்றுள்ளதாக குறிப்பிடப்படுகின்றது.
சம்பவத்தில் காயமடைந்தவர்கள் மருத்துவமனையில் அனுமதிக்கப்பட்டுள்ள அதேவேளை, விபத்து தொடர்பில் மேலதிக விசாரணைகளில் பொலிஸார் ஈடுபட்டுள்ளதாகவும் தெரிவிக்கப்படுகின்றது.
