இலங்கையில் இடம்பெற்ற உள்நாட்டு யுத்தத்தை கதைக்களமாக கொண்டு தெலுங்கில் உருவாகியிருக்கும் “ஒக்காடு மிகிலாடு” Okkadu Migiladu என்ற திரைப்படத்தின் வெளியீட்டு திகதி அறிவிக்கப்பட்டுள்ளது.
இதன்படி, குறித்த திரைப்படம் ஒக்டோம்பர் மாதம் 6ஆம் திகதி வெளியிடப்படவுள்ளது. இந்த திரைப்படமானது “நான் திரும்ப வருவேன்” என்ற பெயரில் தமிழ் மொழியில் வெளியாகவுள்ளது.
குறித்த திரைப்படமானது இந்த மாதம் வெளியாகவிருந்த நிலையில், கிராஃபிக் வேலைகள் நிறைவு செய்யாமையின் காரணமாக படத்தின் வெளியீட்டு திகதி தள்ளிவைக்கப்பட்டிருந்தது
இந்நிலையில், குறித்த திரைப்படம் ஒக்டோம்பர் மாதம் 6ஆம் திகதி வெளியிடப்படவுள்ளதாக அறிவிக்கப்பட்டுள்ளது.
நான் திரும்ப வருவேன்” (ஒக்காடு மிகிலாடு – Okkadu Migiladu) என்ற திரைப்படத்தில் விடுதலைப் புலிகள் தலைவர் வேலுப்பிள்ளை பிரபாகரன் கதாபாத்திரத்தில், தெலுங்கு நடிகர் மஞ்சு மனோஜ் நடித்துள்ளார்.
இந்த படத்தில் இரட்டை வேடங்களில் நடித்துள்ள மஞ்சு மனோஜ், அதில் ஒரு கதாபாத்திரம் விடுதலைப் புலிகளின் தலைவர் பிரபாகரனை ஒட்டி அமைக்கப்பட்டுள்ளமை குறிப்பிடத்தக்கது.
இதேவேளை, குறித்த திரைப்படத்தின் முன்னோடிக்காட்சி அண்மையில் வெளியாகியிருந்த நிலையில், நல்ல வரவேற்பை பெற்றிருந்தமை குறிப்பிடத்தக்கது.
