இலங்கையில் நாணயத்தாள் போலி அச்சிடலைத் தடுக்கும் தொழில்நுட்ப முறை கடைப்பிடிக்காமையினால் நாடு முழுவதும் போலி நாணயத்தாள்கள் வேகமாகப் பரப்பப்பட்டு வருவதாக அரச அச்சுப்பொறித் திணைக்களம் தெரிவித்துள்ளது.
போலி நாணயத்தாள் அச்சிடப்படுவது தொடர்பில் ஒவ்வொரு மாதமும் முறைப்பாடு பதிவாகின்றது. ஒரு மாதத்திற்கு நான்கு முறைப்பாடுகள் தொடர்பில் விசாரணை மேற்கொள்ளப்படுகின்றது.
கடந்த சில மாதங்களாக நாடு முழுவதும் மோசடியான முறையில் அச்சிடப்பட்ட 5 ஆயிரம் ரூபாய் தாள்கள் பொலிஸாரினால் கைப்பற்றப்பட்டுள்ளன.
பன்னாட்டுச் சமூகத்தால் ஏற்றுக் கொள்ளப்பட்ட போலி அச்சிடலைத் தடுக்கும் தொழில்நுட்ப முறை இலங்கையில் பயன்படுத்தப்படாமையினாலேயே இவ்வாறு போலித் தாள்கள் அச்சிடும் நடவடிக்கை அதிகரித்துள்ளதாகக் குறிப்பிடப்படுகின்றது.
இவ்வாறான போலி நாணயத்தாள்களை அடையாளம் காணும் நட வடிக்கை கடினமாக உள்ளதுடன், அவ்வா றான சில தொழில்நுட் பங்கள் இந்த நாட்டு வங்கிக் கட்டமைப்புக்குள் மாத்திரமேயுள்ளது.
போலி தாள்களின் அதி கரிப்பைக் கட்டுப்படுத்து வதற்காக 5 ஆயிரம் ரூபாய் தாள்களைத் தடை செய்யவேண்டிய நிலை ஏற்படும் என்று அரச அச்சுப்பொறி திணைக்க ளத்தினர் குறிப்பிட்டுள்ளனர்.
