தண்ணீருக்காக தோண்டிய குழியில், சாமி சிலைகள் கண்டுபிடிக்கப்பட்டுள்ளது.
இந்தச் சம்பவம் இந்தியாவின் ஆண்டிப்பட்டி பகுதியில் இடம்பெற்றுள்ளது.
ஆண்டிப்பட்டி அருகே தண்ணீருக்காக தோண்டப்பட்ட குழியில், இரண்டு வெண்கல சிலைகள் கண்டெடுக்கப்பட்டுள்ளன.
தண்ணீருக்குத் தோண்டிய குழியில், சாமி சிலைகள் கண்டுபிடிப்பு தேனி மாவட்டம், ஆண்டிப்பட்டி அருகே உள்ள, அம்மாப்பட்டியை சேர்ந்த அழகன் என்பவர், தன் வீட்டில் குடிநீர் குழாய் அமைக்க குழி தோண்டியுள்ளார்.
அப்போது மண்ணில் ஏதோ தட்டுப்படுவதை உணர்ந்த அவர், அதனைத் தோண்டி எடுத்துள்ளார். மண் மூடிய இரண்டு பொருட்களை எடுத்த அவர், அவற்றைக் கழுவிப் பார்த்தபோது, அவை வெண்கலச் சிலைகள் என்று அறிந்துள்ளார்.
இதையடுத்து,அவர் சிலைகள் குறித்து, பொலீசாருக்கு தகவல் அளித்துள்ளார். அவரது வீட்டுக்கு வந்த போலீசார் சிலைகளை கைப்பற்றி வருவாய் துறையினரிடம் ஒப்படைத்துள்ளனர்.
