இலங்கையின் கிழக்கே மட்டக்களப்பு மாவட்டம் வாழைச்சேனை பகுதியைச் சேர்ந்த ஆழ்கடல் மீன்பிடி படகு உரிமையாளர் ஒருவருக்கு அதிகளவிலான சுறாக்கள் கிடைக்கப்பஎற்றுள்ளதாக தகவல் கிடைத்துள்ளது.
இரண்டாயிரம் கிலோ கிராமிற்கு மேற்பட்ட சுறா மீன்கள் அவரது ஆழ்கடல் மீன்பிடித் தொழிலில் பிடிபட்டுள்ளதாக தெரிவிக்கப்படுகின்றது.
இவர் கடந்த சில நாட்களாக கடலில் தங்கியிருந்து மீன்பிடித் தொழிலை மேற்கொண்டிருந்தார். இந்த நிலையில், இன்றைய தினம் ஏராளமான சுறா மீன்களுடனும் ஒருதொகை சிறு மீன்களுடனும் கரை திரும்பியுளார்.
இவர் பிடித்த மீன்களின் பெறுமதியானது இன்றைய சந்தை நிலவரப்படி பத்து லட்சம் ரூபாவுக்கு மேல் தேறும் எனக் கணக்கிடப்பட்டுள்ளது. தனது தொழிலில் ஏற்பட்ட எதிர்பாராத இந்த அதிஷ்டத்தின் அனுபவங்களை மிகுந்த நெகிழ்ச்சியுடன் மற்றவர்களுடன் பகிர்ந்துகொண்டார்.
