யாழில் மாங்காய் பறிக்க முற்பட்டவருக்கு நிகழ்ந்த கொடுமை

யாழ். கொடிகாமம், வெள்ளாம் போக்கட்டிப் பகுதியில் மாங்காய் பறிக்க முற்பட்ட குடும்பஸ்தரொருவர் தவறுதலாக விழுந்து படுகாயமடைந்துள்ளார்.

குறித்த சம்பவம் நேற்று பிற்பகல் இடம்பெற்றுள்ளதுடன், படுகாயமடைந்த குடும்பஸ்தர் யாழ். சாவகச்சேரி ஆதார வைத்தியசாலையில் சிகிச்சைகளுக்காக அனுமதிக்கப்பட்டுள்ளார்.

குடும்பஸ்தர் உணவுத் தேவைக்காகத் தனது வீட்டு வளவினுள் காணப்பட்ட மாமரத்தில் ஏறி மாங்காய் பறிக்க முற்பட்ட போதே இந்த சம்பவம் ஏற்பட்டுள்ளது.

இந்த நிலையில் சம்பவம் தொடர்பில் சாவகச்சேரிப் பொலிஸார் விசாரணைகளை மேற்கொண்டுள்ளனர்.