கேரளாவில் கடந்த மாதம் நடைபெற்ற ஓணம் பண்டிகையின் போது ‘திருவோணம் பம்பர்-2017’ என்ற லாட்டரி ஒன்றை மாநில அரசு அறிமுகப்படுத்தியது. இந்த லாட்டரியின் குலுக்கல் வெள்ளிக்கிழமை முடிந்த நிலையில், பரிசு விழுந்த லாட்டரி சீட்டின் எண் குறித்து அதிகாரிகள் அறிவித்தனர்.
இதில் ‘AJ2376’ என்ற எண் கொண்ட லாட்டரி சீட்டுக்கு முதல் பரிசாக ரூ.10 கோடி கிடைத்து இருப்பதாக அறிவிக்கப்பட்டது.
இந்நிலையில், பரப்பணங்காடியில் உள்ள பெடரல் வங்கிக்கு நேற்று சென்ற முஸ்தபா(48) என்ற டிரைவர் முதல்பரிசான ரூ.10 கோடி வென்ற லாட்டரி சீட்டை மேலாளரிடம் ஒப்படைத்தார்.
இதையடுத்து, முஸ்தபாவின் பெயர், ஆதார் எண், முகவரி, லாட்டரி சீட்டு அசலானது தானா என்பதை ஆய்வு செய்த வங்கி அதிகாரி முதல் பரிசுக்குரிய விவரத்தை அதிகாரப்பூர்வமாக அறிவித்தனர்.
ரூ.10 கோடி பரிசு வென்ற மகிழ்ச்சியில் முஸ்தபா நிருபர்களிடம் கூறுகையில், “ என்னுடைய தேங்காய் வியாபாரத் தொழிலை இந்த பணத்தின் மூலம் விரிவுபடுத்துவேன். சொந்தமாக சிறிய வீடு கட்டவும் திட்டமிட்டுள்ளேன் என கூறியுள்ளார்.
