மெர்சல் படத்தின் டப்பிங்கை முடித்த சமந்தாவிற்கு விஜய் பாராட்டு தெரிவித்துள்ளார்.
இயக்குனர் அட்லி இயக்கத்தில் தளபதி விஜய் 3 கெட்டப்புகளில் நடித்துள்ள படம் மெர்சல். சமீபத்தில் இப்படத்தின் டீசர் வெளியாகி ரசிகர்களிடையே நல்ல வரவேற்பைப் பெற்றதோடு உலகம் முழுவதும் சாதனை படைத்தது.
இந்த நிலையில், இப்படத்தில் தன்னுடைய டப்பிங் பணியை முடித்த கையோடு ஓய்வுக்காக விஜய் பார்சிலோனா சென்று விட்டார். இப்படம் வரும் தீபாவளியன்று வெளியாக இருப்பதால், இறுதிக்கட்ட பணிகள் விறுவிறுப்பாக நடந்து வருகிறது.
இந்த நிலையில், சமந்தாவின் டப்பிங் பணி மட்டும் முடிக்கப்படாமல் இருந்துள்ளது. சமந்தா கல்யாண பிஸியில் இருப்பதால், அவரால் வர முடியாது என்று அட்லி டப்பிங் ஆர்ட்டிஸ்ட் வைத்து படத்தின் டப்பிங் பணியை முடித்து விடலாம் என்று திட்டமிட்டுள்ளார்.
இதை அறிந்த சமந்தா உடனடியாக சென்னை வந்து தன்னுடைய டப்பிங் பணியை தொடங்கி விறுவிறுப்பாக நேற்று முடித்துள்ளார். இதனையறிந்த விஜய், சமந்தாவை தொடர்பு கொண்டு அவருக்கு பாராட்டுக்களையும், வாழ்த்துக்களையும் தெரிவித்துள்ளார்.
