பிரம்மாண்டமான செலவில் நடிகர் விஜய் மற்றும் அட்லி கூட்டணியில் உருவாகிறது மெர்சல். மூன்று நாயகிகள், மிரட்டலான வில்லன் மற்றும் ஆஸ்கர் நாயகன் இசை என்று அனைத்திலும் பிரமாண்டம் என்று தான் சொல்லணும்.
கடந்த சில நாட்களுக்கு முன்பு இப்படத்தின் தெலுங்கு டீசர் வெளியாகி தமிழ் சாதனையை நெருங்கி கொண்டு இருக்கிறது.
ராஜா ராணி ப்ரம் மௌனராகம், தெறி ப்ரம் கேப்டனோட சத்ரியன் என்று இயக்குனர் அட்லி மீது ஒரு தரப்பினர் குறை கூறிவருகின்றனர்.
அதுமட்டுமல்லாமல் தற்போது ரிலீசுக்கு தயாராக இருக்கும் மெர்சல் படம் விஜயகாந்தின் பேரரசு, ரஜினியின் மூன்றுமுகம் மற்றும் கமலின் அபூர்வ சகோதரர்கள் ஆகிய 3 படத்தின் மிக்ஸிங் என்று சமூகவலைதளங்களில் வறுத்தெடுத்து வருகின்றனர்.
இந்நிலையில் அட்லீ அளித்த பேட்டியில் அவர் கூறியதாவது:
நான் மற்ற படங்களை பார்த்து காப்பி அடிக்குறேனா? இது சுத்தப்பொய் ஒரு கதையை உருவாக்க நாங்கள் எப்படி போராடுகிறோம் என்று யாருக்காவது தெரியுமா?.
ஒரு அறையில் அமர்ந்து கொண்டு சுமார் 2 அல்லது 3 மாதங்களின் உழைப்பு தான் ஒவ்வொன்றும் என்று கூறியுள்ளார்.
என்னை காப்பி என்று கூறியவர்கள் மெர்சல் படத்தில் வரும் ஒரு காட்சியை பார்த்து விட்டு அப்புறம் சொல்லுங்கள் எங்கள் உழைப்பு என்ன என்று தெரியவரும்.
மேலும் அவர், மெர்சலில் வரும் காட்சிகள் அனைத்தும் ரசிகர்களை மெர்சலாக்கும்.
இதுவரை இப்படி ஒரு காட்சி வந்ததே இல்லை என்று பேசும் அளவிற்கு வித்தியாசமாக இருக்கும் என்றும் கூறியுள்ளார்.
ஆக மொத்தத்தில் தளபதி ரசிகர்கள் மெர்சலாவப்போவது உறுதி என்று கூறுகிறார்.
