11 வயதுடைய சிறுமியை மூன்று சந்தர்ப்பங்களில் பாலியல் குற்றத்திற்குட்படுத்திய 50 வயதுடைய நபருக்கு 24 மாத கடூழியச் சிறைத் தண்டனை விதித்த கண்டி மேல் நீதிமன்ற நீதிவான் தீர்ப்பிட்டார்.
இதேவேளை, பாதிக்கப்பட்ட சிறுமிக்கு 75,000 ரூபா நஷ்டஈடாகவும் வழங்குமாறும் குற்றவாளிக்கு நீதிவான் உத்தரவிட்டார்.
கண்டி, தென்னங்கும்புர பிரதேசத்தைச் சேர்ந்த 50 வயது வயோதிபர் ஒருவருக்கே நீதிவான் இவ்வாறு தண்டனை விதித்தார்.
வீட்டில் ஒருவரும் இல்லாத வேளைகளில் தாத்தா உறவு முறையான 50 வயது வயோதிபர் 11 வயதான குறித்த சிறுமி மீது மூன்று சந்தர்ப்பங்களில் பாலியல் குற்றம் புரிந்துள்ளார்.
இச் சம்பவம் சிறுமியின் பெற்றோருக்கு தெரியவரவே அவர்கள் உடனடியாக கண்டி பொலிஸ் பிரிவில் பெண்கள் மற்றும் சிறுவர் பாதுகாப்பு பொலிஸாருக்கு முறைப்பாடு செய்திருந்தமை குறிப்பிடத்தக்கது.
