மூளைப் புற்றுநோயில் இருந்து முற்றாக குணமடைந்துள்ள இலங்கை பெண் ஒருவர் தொடர்பாக தகவல் வெளியாகியுள்ளது.
இவர் தற்பொழுது கழிவுப் பொருட்களை பயன்படுத்தி வாழ்க்கையை வெற்றிகரகமான முன்னெடுத்து செல்வதாக சர்வதேச ஊடகம் ஒன்று தகவல் வெளியிடடுள்ளது.
இதுகுறித்து தெரியவருவதாவது, புற்றுநோயினால் பாதிக்கப்பட்ட, குண்டசாலை வராபிட்டிய பகுதியை சேர்ந்த ஜுட் ஹேவாகே வன்னிய என்ற ஒரு பிள்ளையின் தாய் ஒருவர், மூளையில் மூன்றாவது சத்திரகிசிச்சைக்கு முகங்கொடுக்க நேரிட்டது. எனினும் ஆரம்பத்தில் சத்திரசிகிச்சையை மேற்கொள்ள மறுத்த ஜுட், 2014ஆம் ஆண்டு மஹரகம வைத்தியசாலையில் இரு முறை சத்திரசிகிச்சை மேற்கொண்டதன் பின்னரே மரணத்தை எதிர்கொள்ளத் தயாரானார்.
மேலும் புற்றுநோயினால் தனது உடலில் ஏற்பட்ட மாற்றத்துடன் தன் மகளை பார்க்க இவர் விரும்பவில்லை. சத்திரசிகிச்சை மேற்கொண்டதன் பின்னரும் 7 மாதங்கள் கண்டி புற்றுநோய் பிரிவில் வாழ்ந்துள்ளார். அந்தக் காலப்பகுதியில்கூட தொலைவில் இருந்தே மகளைப் பார்த்ததாக ஜுட் தெரிவித்துள்ளார்.
2016ஆம் ஆண்டு வைத்தியசாலையில் இருந்து மகிழ்ச்சியுடன் வெளியேறிய ஜீட் மற்றுமொரு சிக்கலை எதிர்கொண்டார். இவர் வைத்தியசாலையில் இருந்து வீட்டுக்கு வரும் போது தன்னால் ஒழுங்கான முறையில் நடக்க முடியாது என்றும், பிறரின் உதவியுடனே நடந்தேன் என்றும் தெரிவித்ததோடு, பின்னர் சற்றுக் கண் தெரியாமலும் போனது என்றும் வீட்டருகில் இருந்தவர்களின் உதவி கிடைத்த போதிலும் தினமும் அவர்களுக்கு பாரமாக இருக்க விரும்பவில்லை என்றும் ஜீட் தொடர்ந்து தெரிவித்துள்ளார்.
இந்த நிலையில் வியாபாரம் ஒன்றை ஆரம்பிப்பதற்கு நிதி இல்லாத நிலையில் உறவினர்கள் வீடுகளில் கிடைத்த கழிவு பொருட்களான பிலாஸ்டிக் போத்தல்கள் மற்றும் பொலித்தீன்களை வீட்டிற்கு கொண்டு வந்து அதன்மூலம் கைப்பணிகளை ஆரம்பித்து அதன்மூலம் செய்யபட்ட பொருட்களை அந்தப் பகுதியில் இடம்பெறும் நிகழ்வுகளின் போது விற்பனை செய்து வந்துள்ளார்.
மாநாகர சபையில் கழிவு பொருட்களை பெற்றுக் கொள்வதற்கு முயற்சி செய்ததன் பயனாக கண்டி நகர சபை குப்பைகள் அனைத்தும் ஜுட்டின் கைவண்ணங்களாகின. அதில் நல்ல பலனை அனுபவித்த ஜுட் தனது திறமையை மேலும் பலருக்கு கற்பிப்பதற்கு ஆரம்பித்தார். தற்போது அவரது வாழ்க்கை ஒரு முன்னேற்கரமான பாதையில் செல்வதாக அந்த ஊடகத்தில் மேலும் குறிப்பிடப்பட்டுள்ளது.
