தென்மேற்கு பாகிஸ்தானில் உள்ள குயிட்டா பகுதியில் தீவிரவாதிகள் நடத்திய வெடிகுண்டு தாக்குதலில் 7 பேர் உயிரிழந்தனர். மேலும் சிலர் காயம்காரணமாக மருத்துவமனையில் அனுமதிக்கப்பட்டுள்ளனர். குயிட்டா நகரில் உள்ள சாரிப் என்ற பகுதியில் சாலையில் நின்றிருந்த காரில் இருந்த வெடிகுண்டு வெடித்தது.
தகவலின்பேரில் சம்பவ இடத்திற்கு சென்ற பாதுகாப்புபடையினர் காயமடைந்தவர்களை மீட்டு மருத்துவமனைக்கு அனுப்பிவைத்தனர். மேலும் குண்டுவெடிப்பு தொடர்பான தடயங்கள் குறித்தும் விசாரணை நடத்தி வருகின்றனர். இதுவரை இந்த தாக்குதலுக்கு எந்த தீவிரவாத அமைப்புகளும் பொறுப்பேற்கவில்லை என்பது குறிப்பிடத்தக்கது. மேலும் பாகிஸ்தான் ராணுவத்தினரை மையப்படுத்தி இந்த தாக்குதல் நடத்தப்பட்டிருக்கலாம் என கருதப்படுகிறது.
