தொடர்ந்தும் மூடப்படும் கலைப்பீடம் – காரணம்?

கொழும்பு பல்கலைக்கழகத்தின் கலைப் பீடம்  தொடர்ந்தும் ஒரு வாரத்திற்கு மூட வேண்டியேற்படும் என, தெரிவிக்கப்பட்டுள்ளது.

பல்கலைக்கழகத்தில்  இரு மாணவக் குழுக்களிடையே ஏற்பட்ட முரண்பாடு காரணமாக குறித்த பீடம் தற்காலிகமாக மூடப்பட்டது.

முரண்பாட்டில்  காயமடைந்த  இரு மாணவர்கள், தேசிய வைத்தியசாலையில் அனுமதிக்கப்பட்டுள்ளனர்.

இந்த விடயம் குறித்து மேற்கொள்ளப்பட்ட விசாரணை அறிக்கை, பல்கலைக்கழகத்தின் உப வேந்தர் லக்ஷ்மன் திஸாநாயக்கவிடம் கையளிக்கப்பட்டுள்ளது.

இந்த நிலையில், நாளை இது குறித்து கலந்துரையாட, நிர்வாக சபைக்கு உபவேந்தரால் அழைப்பு விடுக்கப்பட்டுள்ளது.

இதன்போது, கலைப் பீடத்தை மீளத் திறப்பது குறித்து தீர்மானிக்கப்படலாம் என எதிர்ப்பார்க்கப்படுகின்றது.