யாழ்ப்பாணத்தில் மீளவும் அதிகரித்துள்ள வாள்வெட்டுக் கும்பல்களின் அட்டூழியங்களையடுத்து அனைத்துப் பொலிஸாரினதும் விடுப்புக்கள் நேற்று இடைநிறுத்தப்பட்டன.
இதற்கான அறிவுறுத்தலை வடக்கு மாகாண மூத்த பிரதிப் பொலிஸ்மா அதிபர், யாழ்ப்பாணப் பிராந்தியத்தில் உள்ள அனைத்துப் பொலிஸ் நிலைய பொறுப்பதிகாரிகளுக்கும் நேற்றுக் காலை வழங்கினார்.
யாழ்ப்பாணத்தில் கடந்த சில நாள்களாக வாள்வெட்டுச் சம்பவங்களும், அடாவடித்தனங்களும் மீண்டும் அதிகரித்துள்ளன.
இந்த நிலையிலேயே, பொலிஸாரின் விடுமுறைகள் அனைத்தையும் நேற்றிலிருந்து, மறு அறிவித்தல்வரை இடைநிறுத்துமாறு, வடக்கு மாகாண மூத்த பிரதிப் பொலிஸ்மா அதிபர் அறிவுறுத்தினார்.
