ஜோலார்பேட்டை அருகே அடையாளம் தெரியாத நபர் எரித்து கொலை சம்பவம் தொடர்பாக காவல்துறையினர் விசாரணை நடத்தி வருகின்றனர். வேலூர் மாவட்டம் திருப்பத்தூர் அடுத்த ஏலகிரிமலையில் சிவன் கோயில்உள்ளது அந்த கோயிலுக்கு செல்லும் வழியில் அடையாளம் தெரியாத ஆண் சடலம் கிடப்பதாக அப்பகுதிமக்கள் போலீசாருக்கு தகவல் அளித்துள்ளனர்.
இதையடுத்து சம்பவ இடத்திற்கு விரைந்து வந்த காவல்துறையினர் எரித்த நிலையில் உள்ள 35வயது ஆண் சடலத்தை கைப்பற்றி திருப்பத்தூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இறந்த நபர் யார் எந்த பகுதியை சேர்ந்தவர் எதற்காக கொலை செய்யப்பட்டார் என்ற கோணத்தில் போலீசார் விசாரணை மேற்கொண்டு வருகின்றனர்.
தற்போது திருப்பத்தூர் சப் டிவிஷனில் கடந்த வாரங்களில் மட்டுமே இதுபோல் இரு நபர்கள் அடையாளம் தெரியாத அளவுக்கு கொடூரமாக கொலை செய்யப்பட்டுள்ளனர் என்பது குறிப்பிடத்தக்கது.இதனால் திருப்பத்தூர் பகுதி பொதுமக்கள் மத்தியில் பெரும் பரபரப்பை ஏற்படுத்தியுள்ளது.
