ரொறொன்ரோ- நேதன் பிலிப்ஸ் சதுக்கத்தில் அமைக்கப்பட்டுள்ள விடுமுறை சந்தை ரொறொன்ரோவில் இன்று ஏற்பட்டுள்ள விறைப்பான வெப்பநிலை காரணமாக மூடப்பட்டதென அறிவிக்கப்பட்டுள்ளது.
ரொறொன்ரோவின் வெப்பநிலை மிக ஆழமான உறைநிலையின் ஈர்ப்பினால் குளிர் காற்றுடன் கூடி இன்று காலை முதல் -20 ஆக காணப்பட்டுள்ளது.
இந்நிலை காரணமாக நகரின் மருத்துவ அதிகாரிகள் அதிதீவிர குளிர் காலநிலை எச்சரிக்கை விடுத்துள்ளனர். நகரின் வீடற்றவர்களின் நலன் கருதி புகலிடங்களில் மேலதிக படுக்கை வசதிகள் ஏற்படுத்தப்பட்டுள்ளன.
வெளிக்கள நடவடிக்கைகளை கட்டுப்படுத்துமாறு மக்கள் எச்சரிக்கப்பட்டுள்ளனர்.
விடுமுறை சந்தையானது வியாழக்கிழமை மாலை 4-மணிக்கு திறக்கப்படலாம் என எதிர்பார்க்கப்படுகின்றது. டிசம்பர் 23-வரை இந்த சந்தை திறந்திருக்கும்.
வெப்பமான வானிலை வார இறுதிநாட்களில் எதிர்பார்க்கப்படுகின்றது. வெள்ளிக்கிழமை -2 C,சனிக்கிழமை -5 C மற்றும் ஞாயிற்றுகிழமை 2 C ஆக காணப்படலாம்.
