இலங்கையின் வடக்கே மன்னார் மாவட்டம் பேசாலைப் பகுதியை சேர்ந்த இரண்டு மீனவர்களின் படகு கடலில் மூழ்கியுள்ளதாக தகவல் கிடைத்துள்ளது. குறித்த மீனவர்களில் ஒருவர் கடலில் தத்தளித்த நிலையில் இராமேஸ்வரம் மீனவர்களால் காப்பாற்றப்பட்டுள்ளார்.
மன்னார் பேசாலையைச் சேர்ந்த மரியதாஸ் மற்றும் அண்டரசன் ஆகிய இரு மீனவர்களும் கடலில் மீன்பிடித்துக் கொண்டிருக்கும் போது திடீரென கடல் கொந்தளிப்பு ஏற்பட்டு படகு கடலில் மூழ்கியுள்ளது. இதனால் குறித்த இரு மீனவர்களும் கடலில் விழுந்துள்ளனர்.
ஒருவர் தத்தளித்துக்கொண்டிருந்தபோது அந்த பகுதியில் மீன்பிடித்துக் கொண்டிருந்த இராமேஸ்வரம் மீனவர்கள் அவரை மீட்டு பொலிஸாரிடம் ஒப்படைத்தனர். இதில் மற்றுரு மீனவர் கடலில் மாயமாகியுள்ளார். இந்நிலையில் தமிழக கடலோர காவல் பாதுகாப்புப் படைப் பொலிஸார் மீட்கப்பட்டவரிடம் விசாரணை நடத்தி வருகின்றனர்.
