கனடாவின் ரிச்மெண்ட் ஹில் நகரின் யோர்க் பகுதியில் உள்ள வீடொன்றில் இளம் பெண் ஒருவர் கொல்லப்பட்டு கிடப்பதாக புதன் கிழமை காலை 11 மணியளவில் தொலைபேசி மூலம் பொலிசாருக்கு தகவல் கிடைத்துள்ளது.
சம்பவ இடத்திற்கு விரைந்து சென்ற பொலிசார் கொல்லப்பட்டு கிடந்த 28 வயதான இளம் பெண்ணின் உடலை மீட்டு பிரேத பரிசோதனைக்காக மருத்துவமனையில் சேர்த்துள்ளனர்.
மேலும் இது தொடர்பாக பொலிசார் தெரிவிக்கையில்:- இந்த கொலை சம்பவம் தொடர்பாக சந்தேகத்தின் பெயரில் 28 வயதான இளைஞன் ஒருவனை கைது செய்துள்ளதாகவும் கொல்லப்பட்ட பெண்ணும் கைது செய்யப்பட்ட இளைஞனும் ஏற்கனவே ஒருவருக்கொருவர் அறிமுகமானவர்கள் என நம்புவதாகவும் தெரிவித்துள்ளனர்.
அத்துடன் கொல்லப்பட்ட பெண்ணின் உடலில் காயங்கள் ஏற்பட்டுள்ளதற்கான அறிகுறிகள் உள்ளது எனவும் பிரேத பரிசோதனைக்கு பின்னரே அவரது இறப்புக்கான காரணத்தை சரியா சொல்ல முடியும் எனவும் கூறியுள்ளனர்.
