முகில் கூட்டங்கள் நிறைந்து காணப்படும் வானம் – தாழமுக்கமே காரணம்!

நாட்டில், வடகிழக்கு பருவப்பெயர்ச்சி காலநிலை வலுவடைந்திருப்பதாக வளிமண்டலவியல் திணைக்களம் நேற்று(21.12.2017) தெரிவித்திருந்தது.

இந்நிலையில், நாட்டுக்கு அருகாமையில் ஏற்பட்டுள்ள தாழமுக்கத்தின் காரணமாக நாடுமுழுவதிலும் வானம் முகில் கூட்டங்கள் நிறைந்ததாக காணப்படுவதாகவும், அத்துடன் மழையுடன் கூடிய காலநிலையை எதிர்பார்க்கமுடியும் என்றும் வளிமண்டலவியல் திணைக்களம் தற்போது தெரிவித்துள்ளது.

மேலும் வளிமண்டலவியல் திணைக்களமானது,

• வடக்கு வடமத்திய கிழக்கு தெற்கு மற்றும் ஊவா மாகாணங்களிலும் மாத்தளை மாவட்டத்திலும் மழை பெய்யும் .
• மழை அல்லது இடியுடன் கூடிய மழை நாட்டின் பல்வேறு பகுதிகளில் பிற்பகல் 2.00 மணியின் பின்னர் பெய்யக்கூடும்.
• கிழக்கு சப்ரகமுவ தெற்கு மற்றும் ஊவா மாகாணங்களிலும் களுத்துறை மாவட்டத்திலும் 75 மில்லிமீற்றருக்கு மேற்பட்ட மழைவீழ்ச்சி இடம்பெறும்.
• வடமத்திய மற்றும் மத்திய மாகாணங்களிலும் ஹம்பாந்தோட்டை மொனறாகலை மாத்தறை மாவட்டங்களிலும் 50 கிலோமீற்றர் வேகத்தில் காற்றுவீசும்.
• இடியுடன்கூடிய மழையின் போது தற்காலிகமாக பலத்த காற்று வீசக்கூடும்.

எனத் தெரிவித்துள்ளதோடு,  இடிமின்னிலிருந்து பொதுமக்கள் அவதானமாக செயற்படுமாறு திணைக்களம் கேட்டுக்கொண்டுள்ளது.