முடி உதிர்தல் பிரச்னை இல்லாத ஆட்களே இருக்க முடியாது. சீசன் மாறும்போது, ஷாம்பு மாற்றும்போது, தலைமுடி ஊட்டச்சத்து இல்லாமல் இருந்தால், தூசி, மாசுக்கள் ஆகிய பல்வேறு காரணங்கள் முடி உதிர்தலுக்கு இருக்கின்றன.
தலைமுடி வளரும் என்று சொல்லி விற்கப்படுகிற எண்ணெய் அல்லது ஷாம்புவை வாங்கி பயன்படுத்தி மீண்டும் ஏமாந்து போகிறோம். ஆனால் நாம் செய்ய வேண்டியது தலைமுடிக்குத் தேவையான ஊட்டச்சத்தை அளிக்க வேண்டியது தான். இப்போது இங்கே நாங்கள் சொல்லப்போவது எந்த மாயமோ மந்திரமோ இல்லை. தலைமுடிக்கு இயற்கையான வழியில் ஊட்டமளிப்பது தான் இது.
என்ன செய்தால், ஒரே வாரத்தில் தலைமுடி பிரச்னை ஓய்ந்து முடி முறைக்க ஆரம்பிக்கும் என்று பார்க்கலாம்.
தேவையான பொருள்கள்,தேங்காய் எண்ணெய்,ஆம்லா ஹேர் ஆயில்,வைட்டமின் ஈ
தேங்காய் எண்ணெய் தலைமுடிக்குத் தேவையான ஊட்டச்சத்தை அளிக்கிறது. அதேபோல், தலைமுடியை கருப்பாக்கவும் பளபளப்பாக்கவும் ஆக்க ஆம்லா ஹேர் ஆயில் உதவும்.வைட்டமின் ஈ, தலைமுடியை வலுவாக்கும்.
செய்முறை
ஒரு சிறிய பொளலில் இரண்டு ஸ்பூன் தேங்காய் எண்ணெய் எடுத்துக் கொள்ள வேண்டும். ஆண்களுக்கென்றால் ஒரு டீஸ்பூன் போதுமானது.
அதனுடன் சம அளவு ஆம்லா ஆயிலைச் சேர்த்துக் கொள்ளுங்கள். அதன்பின் ஒரு வைட்டமின் ஈ கேப்சூலை உடைத்து, அந்த ஜெல்லையும் அதில் சேர்த்துக் கொள்ள வேண்டும்.
பின்பு ஸ்பூனால் 15 விநாடிகள் வரை நன்கு கலக்கி விட்டு, அதை தலைமுடி மற்றும் வேர்க்கால்களில் தேய்த்து, பத்து விரல்களையும் கொண்டு நன்கு 10 நிமிடங்கள் வரை மசாஜ் செய்யுங்கள்.
