கிளிநொச்சியில் கடையொன்றில் குடும்பமே இணைந்து திருடிய சம்பவம் அங்கிருந்த கண்காணிப்பு கமராவில் (சீசீடிவி கமரா) பதிவாகியுள்ளது.
கரடிபோக்கு சந்திக்கு அருகிலிருக்கும் பழக்கடையொன்றிலுள்ள 2000 ரூபா பெறுமதியான பழங்களையே ஒரு குடும்பமே சேர்ந்து திருடியுள்ளது.
இது தொடர்பில் மேலும் தெரியவருவதாவது,
குறித்த பழங்கள் மற்றும் உணவுப் பண்டங்கள் விற்பனை செய்யும் கடைக்கு நேற்று முன்தினம் ஐந்திற்கும் மேற்பட்டவர்களை கொண்ட குடும்பமொன்று வந்துள்ளது.
இதன்போது கடையில் பணியில் ஈடுபட்டிருந்த இளைஞர் உணவிற்காக சென்றுள்ளார். இந்த நிலையில் சுமார் 2000 ரூபா பெறுமதியான கடையிலிருந்த பொருட்களை திருடிச் சென்றுள்ளனர்.
சம்பவத்தை தொடர்ந்து கடையில் பொருத்தப்பட்டிருந்த கண்காணிப்புக் கமராவை சோதனையிட்ட போது குடும்பமே இணைந்து திருட்டில் ஈடுபட்டமை தெரியவந்துள்ளது.
இந்த சம்பவத்தில் சிறுவர்களும் ஈடுபடுத்தப்பட்டுள்ள நிலையில் அவர்களை கருத்தில் கொண்டு பொலிஸில் முறைப்பாடு பதிவு செய்யவில்லை என கடை உரிமையாளர் தெரிவித்துள்ளார்.
