பிலிப்பைன்ஸ் நாட்டின் தெற்கு பகுதியில் உள்ள ஆகோ நகரைச் சேர்ந்தவர்கள் மனோவோக் நகரில் உள்ள தேவாலயத்தில் நடைபெறும் கிறிஸ்துமஸ் சிறப்பு பிர்த்தனையில் கலந்து கொள்வதற்காக சிறிய பேருந்தில் புறப்பட்டுச் சென்றுள்ளனர்.
செல்லும் வழியில் எதிரே வந்த மற்றொரு பேருந்து மீது மோதி விபத்துக்குள்ளானது. இந்த கோர விபத்தில் 20 பேர் பரிதாபகரமாக பலியானதாக அந்நாட்டு ஊடகங்கள் செய்தி வெளியிட்டுள்ளன.
மேலும் பலர் காயமடைந்துள்ள நிலையில் மருத்துவமனைக்கு கொண்டு செல்லப்பட்டுள்ளதாகவும் தெரிவிக்கப்பட்டுள்ளது.
மேலும் நேற்று முன் தினம் மணிலா நகரில் உள்ள வணிக வளாகத்தில் ஏற்பட்ட தீ விபத்தில் 39 பேர் பலியாகினர், கடந்த வெள்ளிக்கிழமை சுற்றுலா படகு கவிழ்ந்ததில் ஐவர் பலியாகினர் இவற்றை விடுத்து புயலின் கோரத்தாண்டவத்தில் பலி எண்ணிக்கை 90 ஐ தாண்டியது என்பதும் குறிப்பிடத்தக்கது.
இவ்வாறு அண்மைக்காலமாக பிலிப்பைன்ஸில் உயிரிழப்புக்கள் அதிகரித்து வருகின்றமை அந்நாட்டு மக்களிடையே பெரும் சோகத்தை ஏற்படுத்தியுள்ளது எனலாம்.
