கிறிஸ்துமஸ் தினத்தன்று சீனாவில் உள்ள ஷாப்பிங் மாலில் வாடகைக்கு விடப்பட்ட ஆண்களை பெண்கள் சிலர் போட்டி போட்டு அழைத்து சென்றுள்ளனர்.
சீனாவின் ஹைகோ பகுதில் உள்ள ஒரு மாலில் புதிதாக ஒரு ஷோரூம் திறக்கப்பட்டது. அங்கு கிறிஸ்துமஸ் தினத்தன்று 6 அடி உயரம் கொண்ட அழகனான ஆண்கள், பொம்மைகளைப் போல கண்ணாடிப் பெட்டிக்குள் நிற்க வைத்து வாடகைக்கு விடப்பட்டனர்.
ஆண் நண்பர்கள் இல்லாத பெண்கள் கவலை இல்லாமல் உற்சாகத்துடன் கிறிஸ்துமஸ் பண்டிகையை கொண்டாட வேண்டும் என்பதற்காகவும் விளம்பரத்திற்காகவும் அந்த ஷாப்பிங் மால் நிர்வாகம் இதனை செய்துள்ளது.
இந்த அறிவிப்பு வெளியான அடுத்த சில நிமிடங்களில் அந்த குறிப்பிட்ட ஷோ ரூம் முன்பு பெண்கள் கூட்டம் கூட்டமாக குவிந்துள்ளனர்.
ஆனால் கூட்டம் அதிகமாக குவிந்தாலும் அந்த ஆண்களுக்கான விலை அதிகம் என்பதால் பெரும்பாலான பெண்கள் வெறும் செல்ஃபி எடுத்து கொண்டு இடத்தை காலி செய்த போதிலும், 20வயது மதிக்கத்த 6 பெண்கள் கண்ணாடி பெட்டிக்குள் அடைக்கப்பட்டிருந்த ஆண்களை வாடகைக்கு அழைத்து சென்று தங்களது கிறிஸ்துமஸை ஜோடியாக கொண்டாடியுள்ளனர்.
ஒரு மணி நேர கணக்கில் வாடகைக்கு விடப்பட்ட இந்த ஆண்களுடன் சேர்ந்து ஷாப்பிங் மட்டும் தான் செல்ல வேண்டும், அவர்களுடன் நெருக்கம் கூடாது என்ற விதிமுறை குறிப்பிடத்தக்கது.
