விண்ணில் சர்வதேச விண்வெளி ஆய்வு மையம் உள்ளது. அங்கு பல்வேறு நாடுகளை சேர்ந்த விண் வெளி வீரர்கள் கட்டுமான பணியில் ஈடுபட்டு வருகின்றனர்.
இந்த நிலையில் அங்கு ரசியா, அமெரிக்கா மற்றும் ஜப்பானை சேர்ந்த 6 வீரர்கள் 2 வாரங்களுக்கு முன்பு விண்வெளிக்கு சென்றனர். கடந்த 2 வார விண்வெளி பயணத்திற்கு பின்பு இவர்களது உடலில் ஏற்படும் மாற்றங் களை கண்டுபிடிக்க ஆராய்ச்சி மேற்கொள்ளப்படுகிறது.
அதன்படி அவர்கள் விண் வெளியில் உடற்பயிற்சி செய்வார்கள். இதன்மூலம் விண் வெளியில் எப்படி எல்லாம் உடல் மாற்றம் ஏற்படுகிறது என்பதை கண்டுபிடிக்க முடியும்.
மேலும் இந்த 6 விண்வெளி வீரர்களும் கடந்த வருடத்தின் இறுதி நாளில் (2017 டிசெம்பர் 31) இருந்து ஜனவரி 01 வரை பூமியை முன்னும் பின்னுமாக 90 நிமிடத்துக்கு ஒருமுறை சுற்றியுள்ளனர்.
இதன் காரணமாக இவர்களுக்கு 16 தடவை சூரிய உதயம் ஏற்பட்டுள்ளது. எனவே கணக்குபடி அவர்களுக்கு 16 தடவைகள் புத்தாண்டு பிறந்துள்ளது. உலகிலேயே இதுபோன்ற சாதனையை இது வரை நிகழ்ந்ததில்லை என்பது குறிப்பிடத்தக்கது.
