ஆஸ்திரேலிய நீச்சல் வீரர் ஜார்ஜ் (99 வயது) 50 மீற்றர் ஃப்ரீ ஸ்டைல் நீச்சல் போட்டியில் புதிதாக உலக சாதனை படைத்துள்ளார்.
ஆஸ்திரேலியாவின் குயின்ஸ்லாந்தில் கடந்த 28 ஆம் திகதி காமன்வெல்த் நீச்சல் போட்டிக்கான சோதனை நிகழ்வு நடைபெற்றது. அதில் 100 – 104 வயதோருக்கான நீச்சல் போட்டியில் ஆஸ்திரேலியாவைச் சேர்ந்த ஜார்ஜ் கோரோன்ஸ் பங்குபெற்றார்.
99 வயதான ஜார்ஜ் வரும் ஏப்ரலில் 100 வயதை எட்டுகிறார். 50 மீற்றர் ஃப்ரீ ஸ்டைல் நீச்சல் போட்டியில் யாரும் எதிர்பார்த்திராத உலக சாதனை படைத்துள்ளார் ஜார்ஜ்.2014- ஆம் ஆண்டு, 100 -104 வயதினோருக்கான பிரிவில் கனடா நீச்சல் வீரர், 50 மீற்றர் தூரத்தை 1 நிமிடம் 31 விநாடிகளில் கடந்தது உலக சாதனையாகக் கருதப்பட்டது.
நேற்று முன்தினம் நடந்த நீச்சல் போட்டியில் ஆஸ்திரேலிய வீரர் ஜார்ஜ், 50 மீற்றர் தூரத்தை 56.12 விநாடிகளில் கடந்து உலக சாதனையை முறியடித்து, புதிய மைல்கல்லை உருவாக்கியுள்ளார்.
