சமூக வலைத்தளங்கள் மீதான தடை இன்றைய தினம் நீக்கப்பட வாய்ப்புள்ளதாக அமைச்சர் ஹரின் பெர்னாண்டோ தெரிவித்துள்ளார்.
இலங்கையில் சமூக வலைத்தளங்களை கட்டுப்படுத்துவது தொடர்பில் தமது அமைச்சும் தொலைத் தொடர்புகளை ஒழுங்குப்படுத்தும் ஆணைக்குழுவும் பேஷ்புக் நிறுவனத்துடன் பேச்சுவார்த்தை நடத்தி வருகிறதாகவும் அவர் கூறியுள்ளார்.
மேலும் தெரிவிக்கையில்,
பகையுணர்வை ஏற்படுத்தும் கருத்துக்கள் மற்றும் ஆபாச காட்சிகள் சிங்களத்தில் வெளியாகி இருந்ததால், அவற்றை நீக்க காலம் எடுக்கும்.
மேலும் பேஷ்புக்கில் சிங்களத்தில் வெளியாகும் பதிவுகளை கட்டுப்படுத்த அந்த நிறுவனத்திடம் போதிய மனித வளம் இல்லை.
இனால், அவர்களுடன் பேச்சுவார்த்தை நடத்தி அவ்வாறான பதிவுகளை எப்படி அகற்றுவது? என குறிப்பிட்டுள்ளார்.
இது தொடர்பாக நடவடிக்கை எடுக்கும் அதிகாரத்தை ஜனாதிபதி தனது அமைச்சுக்கும் தொலைத் தொடர்புகளை ஒழுங்குப்படுத்தும் ஆணைக்குழுவிற்கு வழங்கியுள்ளதாக அமைச்சர் ஹரின் பெர்னாண்டோ கூறியுள்ளார்.
