சவூதி அரேபியாவில் விஷ எறும்பு கடித்ததில் இந்திய பெண் ஒருவர் மரணம் அடைந்து உள்ளார்.
இந்தியாவின் கேரளாவில் அடூர் பகுதியை சேர்ந்தவர் சூசி ஜெபி (வயது 36). இவர் சவூதி அரேபியாவில் ரியாத் நகரில் வசித்து வந்துள்ளார்.
இந்த நிலையில் கடந்த மாதம் 19ந்தேதி அவர் வீட்டில் இருந்தபொழுது எறும்பு ஒன்று அவரை கடித்துள்ளது. இதனை அடுத்து அவருக்கு சிகிச்சை அளிக்கப்பட்டு வந்தது.
ஆனால் சிகிச்சை பலனின்றி அவர் உயிரிழந்து விட்டார். இதனை அவரது உறவினர்கள் ஊடகத்திடம் தெரிவித்து உள்ளனர். முழுவதும் வளர்ந்த ஒரு மனிதனை கூட கடித்து அதனால் உயிரிழப்புகளை ஏற்படுத்த கூடிய வகையில் சில எறும்பு இனங்கள் விஷத்தன்மையுடன் உள்ளன என தகவல் தெரிவிக்கின்றது.
