சமூக ஊடகமான பேஸ்புக், சர்ச்சைகளுக்கு மத்தியில் பல கோடி ரூபாய் வருமானம் புதிய சாதனையைப் படைத்துள்ளது.
உலகம் முழுவதும் பல நூறு கோடி பயனர்களைக் கொண்ட, பிரபல சமூக ஊடகமான பேஸ்புக், ஆண்டுதோறும் பல மில்லியன் டாலர் வருமானம் ஈட்டி வருகிறது.
இதனிடையே, கடந்த சில வாரங்களுக்கு முன், பேஸ்புக்கில் பயனர்களின் தனிப்பட்ட தகவல்கள் திருடப்படுவதாக குற்றச்சாட்டு எழுந்தது. இதையடுத்து, பல்லாயிரக் கணக்கானோர் தங்கள் பேஸ்புக் கணக்கை நீக்கி விட்டதாகவும், இதனால் பேஸ்புக் நிறுவனத்திற்கு பல கோடி ரூபாய் நஷ்டம் ஏற்பட்டதாகவும் செய்திகள் வெளியாகின.இந்நிலையில், இந்த ஆண்டின் முதல் காலாண்டில் பேஸ்புக் நிறுவனம் ஈட்டிய வருமானம் குறித்த தகவல் தற்போது வெளியாகி உள்ளது. அதன்படி, பேஸ்புக் நிறுவனத்தின் வருமானம் 49 சதவிகிதம் உயர்ந்து, 12 பில்லியன் அமெரிக்கா டாலராக உள்ளது. இதன் மூலம், அந்நிறுவனத்தின் வருமானம் 65 சதவிகிதம் உயர்ந்துள்ளது.
இதுபற்றி அந்நிறுவனத்தின் நிறுவனர் மார்க் சுக்கர்பர்க் கூறுகையில், ‘பல்வேறு சிக்கல்களைக் கடந்து, நமது நிறுவனம் 2018 ஆம் ஆண்டில் வலுவான துவக்கத்தைப் பெற்றுள்ளது’ என்று தெரிவித்துள்ளார்.
