கொண்டைக்கடலையில் ஊட்டச்சத்துக்கள் அதிகம் நிறைந்துள்ளது. இது நோயெதிர்ப்பு சக்தி மற்றும் ஆற்றலை அதிகரிக்கும். கொண்டைக்கடலையில் மாங்கனீசு, தையமின், மக்னீசியம், பாஸ்பரஸ் போன்ற பல கனிமச் சத்துக்கள் நிறைந்துள்ளது. இதை உடலின் ஆற்றலை அதிகரிப்பதோடு நோய் எதிர்ப்பு சக்தியையும் அதிகரிக்கும்.
கொண்டைக்கடலையில் கிளைசீமிக் இன்டெக்ஸ் குறைவாக உள்ளதால் இது நீரிழிவு நோயாளிகளுக்கு மிகவும் நல்லது. மேலும் இதில் கரையும் நார்ச்சத்துக்கள், அதிகப்படியான புரோட்டீன், இரும்புச்சத்து போன்றவை இருக்கிறது. அதனால் ரத்த சர்க்கரை அளவை கட்டுப்பாட்டுடன் வைக்க உதவி செய்கிறது.
ஹார்மோன் ஏற்றத்தாழ்வு தடுக்கும்:-
கொண்டைக் கடலை சாப்பிட்டு வந்தால் பெண்களை அதிகம் தாக்கும் மார்பகப் புற்றுநோய், ஆஸ்டியோபோரோசிஸ் போன்றவற்றை எதிர்த்து போராடும். மேலும் மாதவிடாய் காலத்தில் பெண்களுக்கு ஏற்படும் மனநிலை மாற்றத்தை சரி செய்யவும் உதவும்.
இரத்த சோகை:-
ரத்தசோகைக்கு சிறந்த உணவுப் பொருள். ஏனெனில் இதிலும் இரும்புச்சத்து அதிகம் உள்ளது. ரத்த அழுத்தம் அதிகம் உள்ளவர்கள் கொண்டக்கடலை சாப்பிட்டு வர, ரத்த அழுத்தம் கட்டுப்பாட்டுடன் இருக்கும். இதற்கு அதில் உள்ள பொட்டாசியம் மற்றும் மக்னீசியம் தான் காரணம்.
கொண்டைக் கடலையை அவித்து அரைத்து பாலில் கலந்து சாப்பிட்டு வர, உடலுக்கு உறுதியைக் கொடுக்கும். கொண்டைக்கடலையில் உள்ள மக்னீசியம் மற்றும் ஃபோலேட் போன்றவை இரத்த நாளங்களை வலிமையடையச் செய்து, கெட்ட கொலஸ்ட்ராலை குறைத்து, இதயம் ஆரோக்கியமாக செயல்பட உதவும்.
வாத நோய் உள்ளவர்கள், மூல நோய் உள்ளவர்கள் மற்றும் மலச்சிக்கல் உள்ளவர்கள் கொண்டைக்கடலையை தவிர்ப்பது நல்லது. இதனை அளவுக்கு அதிகமாக உட்கொள்வது உடலுக்கு கெடுதலை உண்டாக்கும். எனவே இதனை அளவோடு பயன்படுத்துவது நல்லது.
