கத்தி முனையில் 80 ஆயிரம் ரூபா பணத்தைக் கொள்ளையடித்த குற்றச்சாட்டில் தேடப்பட்டவர், 8 வருடங்களின் பின்னர் கொள்ளையடிக்கப்பட்டவரிடம் மாட்டினார். அவர் பொலிஸாரிடம் ஒப்படைக்கப்பட்டார்.
சம்பவம் கோப்பாயிலுள்ள தேநீர்க் கடை ஒன்றில் நேற்று இடம்பெற்றது.
கோப்பாயில் 8 வருடங்களுக்கு முன்னர் கொள்ளை இடம்பெற்றது. பொலிஸ் நிலையத்தில் முறைப்பாடு செய்யப்பட்டிருந்தது. சந்தேகநபர் பிடிபடவில்லை.
சங்கிலியைப் பறிகொடுத்தவர் குறித்த கடைக்குச் சென்றிருந்தபோது சந்தேகநபரைக் கண்டுவிட்டார்.
அவரை அந்த இடத்திலேயே பிடித்து வைத்திருந்தார். மேலும் சிலரது உதவியுடன் கொள்ளைச் சந்தேகநபரை அவர் கோப்பாய் பொலிஸ் நிலையத்துக்கு கொண்டு சென்று ஒப்படைத்தார். பொலிஸார் விசாரணை மேற்கொண்டுள்ளனர்.
