வவுனியாவில் குட்சைட் வீதியிலுள்ள 8 மாத ஆண் குழந்தை ஒன்று கடத்தப்பட்ட சம்பவத்தில் மேலும் ஒருவர் கைது செய்யப்பட்டுள்ளார்.
வவுனியாவில் கடந்த 31ஆம் திகதி கடத்தப்பட்ட வானிஷன் என்ற 8 மாத குழந்தை புதுக்குடியிருப்பு பகுதியிலிருந்து மீட்கப்பட்டிருந்தது.
சம்பவம் தொடர்பாக இரண்டு பெண்களை கைது செய்த பொலிஸார் இன்று மேலும் ஒரு சந்தேகநபரை கைது செய்துள்ளனர்.
புதுக்குடியிருப்பு பகுதியைச் சேர்ந்த 33 வயதுடைய நந்தகோபால் (கோபால்) என்ற நபரே கைது செய்யப்பட்டுள்ளார்.
இந்த சம்பவத்துடன் கைது செய்யப்பட்டிருந்த இரண்டு பெண்களிடம் மேற்கொண்ட விசாரணையை அடுத்தே குறித்த நபர் இன்று கைது செய்யப்பட்டுள்ளார்.
இவர்களிடம் மேலதிக விசாரணைகள் மேற்கொள்ளப்படுவதுடன் இன்றைய தினம் நீதவான் நீதிமன்றில் முற்படுத்த நடவடிக்கை மேற்கொள்ளப்பட்டு வருவதாகவும் பொலிஸார் மேலும் தெரிவித்துள்ளனர்.
