மோட்டார் சைக்கிள், ஹைஏஎஸ் வாகனங்கள் மோதி விபத்துக்குள்ளானதில் 4 வயதுச் சிறுமி ஒருவர் பரிதாபமாக உயிரிழந்துள்ளார். சம்பவம் நேற்று கிளிநொச்சி, இயக்கச்சிச் சந்தியை அண்மித்த பகுதியில் இடம்பெற்றது.
கிளிநொச்சியில் இருந்து பளை நோக்கி வந்த மோட்டார் சைக்கிளும், யாழ்ப்பாணத்தில் இருந்து கொழும்பு நோக்கிச் சென்ற கைஏஎஸ் வானுமே விபத்துக்குள்ளாகின.மோட்டார் சைக்கிளில் குடும்பமாகப் பயணித்த கணவன், மனைவி, இரண்டு பிள்ளைகள் படுகாயமடைந்தனர். அதில் சிறுமி ஒருவர் சிகிச்சை பயனின்றி பரிதாபமாக உயிரிழந்துள்ளார்.
பளை வைத்தியசாலைக்குக் கொண்டு செல்லபட்ட பின்னர் யாழ்ப்பாணம் போதனா வைத்தியசாலைக்கு மாற்றப்பட்ட போதும் சிறுமி உயிரிழந்துவிட்டாரென தெரிவிக்கப்படுகின்றது.விபத்துக்குள்ளானவர்கள் யாழ்பபாணம் வத்திராயன் பகுதியைச் சேர்ந்தவர்கள் என பொலிஸார் தெரிவித்தனர்.
