திமுக தலைவர் கருணாநிதி மருத்துவமனையில் அனுமதிக்கப்பட்ட ஜூலை 28 ஆம் திகதி முதல் உலகம் முழுவதும் கூகுளில் கருணாநிதி அதிகமாக தேடப்பட்டுள்ளார்.
திமுக தலைவர் கருணாநிதி கடந்த ஜூலை 28 ஆம் திகதி சென்னை காவேரி மருத்துவமனையில் அனுமதிக்கப்பட்டார். இதனையடுத்து தொடர்ந்து அவருக்கு அங்கு சிகிச்சை அளிக்கப்படுகிறது.
இந்நிலையில், அவர் மருத்துவமனையில் சேர்க்கப்பட்ட நாளில் கூகுள் தேடலின் இந்திய அளவிலான சமீபத்திய ட்ரெண்ட்டில் ஹகருணாநிதி’ என்ற பெயர் 5 லட்சம் முறைக்கு மேல் தேடப்பட்டுள்ளது. ஹகலைஞர்’ என்று 2 லட்சம் முறைக்கு மேலாகத் தேடப்படுள்ளது.
இந்திய அளவில், தமிழ்நாட்டுக்குப் பின் புதுச்சேரியில்தான் அதிகம் கருணாநிதி பற்றி தேடப்பட்டுள்ளது. தென் மாநிலங்களான கர்நாடகா, கேரளா, ஆந்திரா ஆகியவையும் அதிகம் கருணாநிதியை தேடியுள்ளன.
கடந்த 7 நாள்களில், இந்தியா முழுவதும் சுமார் 24 மாநிலங்களில் இவரைப் பற்றி தேடியுள்ளனர்.
கலைஞர்’ மற்றும் ஹகருணாநிதி’ ஆகிய பெயர்கள் மிக அதிகமாகத் தேடப்பட்டுள்ளன. தமிழகத்தில் தஞ்சாவூரில் உள்ள திருமலைசமுத்திரம் என்ற ஊரில் அதிகம் தேடியுள்ளனர்.
