நடிகர் கமல் சினிமா, தொலைக்காட்சி தொகுப்பாளர் , அரசியல் என பல தளங்களில்இயங்கிக் கொண்டிருக்கிறார் . அந்தவகையில் விஸ்வரூபம் 2 திரைப்படத்தின் புரோமோஷன் வேலைகளில் தற்போது இருக்கும் அவர், ரசிகர்களை ஏமாற்ற விரும்பவில்லை என்று கூறியுள்ளார்.
சமீபத்தில் ஒரு தொலைக்காட்சி நிகழ்ச்சியில், விஸ்வரூபம் 2திரைப்படத்தில் பயன்படுத்தப்பட்ட கருப்பு நிற ஹெலிக்காப்டர் பற்றி கேள்வி எழுப்பப்பட்டது. அதற்குபதில் அளித்த கமல்ஹாசன் , முன்பெல்லாம் நேபாளத்திலிருந்து நடிகர்களை நடிக்கவைத்து சீனர்கள் என்று சொன்னால் நம்புவார்கள். அதைபற்றி யாரும் கேள்வியும் கேட்கமாட்டார்கள்.
ஆனால் இப்போது அப்படி அல்ல. அதனால் தஜிகிஸ்தானில் படப்பிடிப்பு நடைபெற்ற போதுகதைப்படி பிளாக் வகை ஹெலிகாப்டர் தேவைப்பட்டதால், உண்மையான ஹெலிக்காப்டரை பயன்படுத்தினேன்.
வேறு ஹெலிகாப்டர்களைப் பயன்படுத்தினால் எனது ரசிகர்கள் கண்டுபிடித்துவிடுவார்கள். அதனால் அவர்களை நான் ஏமாற்ற விரும்பவில்லை என்று கூறினார்.
மேலும் அவர் கூறுகையில் நாட்டை விட்டு ஓடியவன் இன்று நாட்டை காப்பாற்ற போகிறானா என சிலர் கிண்டல் செய்கிறார்கள். ஆனால் நான் நாட்டை விட்டுப் போகிறேன் எனச் சொன்னது என்னுடைய பணியை சிறப்பாக செய்ய விடாமல் தடுத்ததற்காகத்தானே தவிர பயந்து அல்ல. இது இப்போதுஅவர்களுக்கு புரிந்துவிட்டது என்று கூறினார்.
