விஸ்வரூபம்- 2 படம் திட்டமிட்டபடி ஆகஸ்ட் 10ம் திகதி வெளியாகும் என நடிகர் கமல்ஹாசன் விளக்கம் அளித்துள்ளார்.
கமல்ஹாசன் இயக்கி நடித்துள்ள விஸ்வரூபம் 2 படம் வரும் ஆகஸ்ட் 10ம் திகதி வெளியாகும் என அறிவிக்கப்பட்டிருந்தது. இந்நிலையில் பிரமிட் சாய்மீரா நிறுவனம் இப்படம் வெளிவரக்கூடாது என வழக்கு தொடர்ந்தது.
மர்ம யோகி படத்துக்கு செலவு செய்வதாக ரூ. 6.90 கோடி கமல் பெற்றிருக்கிறார். இப்படத்துக்கு கதை, திரைக்கதை, வசனம் எழுதி நடிப்பதற்காக ரூபாய் 4 கோடி பெற்றுள்ளார்.
மர்மயோகி படத்திற்கு கொடுத்த சம்பளம் ரூபாய் 4 கோடியை வட்டியுடன் சேர்த்து ரூபாய் 5.44 கோடியை கொடுக்காமல் விஸ்வரூபம் 2 படத்தை வெளியிட தடை விதிக்க வேண்டும் என அந்நிறுவனம் தொடர்ந்திருந்தது.
