நடிகர் ரஜினிகாந்த் அரசியலுக்கு வந்துவிட்டேன் என்று கூறிய பிறகும் நாட்டில் நடக்கும் சில பிரச்சனைகளுக்கு கருத்து கூறுவதை மறுத்து வருகிறார் என நடிகை கஸ்தூரி ரஜினிக்கு எதிராக ‘தவறு நடக்கையில் பேசாமலிருப்பதும் தவறுதான்’ என்று ட்வீட் செய்துள்ளார்.
நடிகை கஸ்தூரி பல தமிழ்த் திரைப்படங்களில் நடித்துள்ளார். இவர் மலையாளம், கன்னடம், தெலுங்கு ஆகிய மொழிகளிலும் நடித்துள்ளார்.
நடிகர் ரஜினிகாந்த் தான் அரசியலுக்கு வருவேன் என்று அறிவித்த பிறகு தமிழகத்தில் நடக்கும் சில விஷயங்களுக்கு மட்டும் கருத்து கூறி வருகிறார்.
தூத்துக்குடி ஸ்டெர்லைட் துப்பாக்கிசூடு சம்பவத்தில் பாதிக்கபட்டவர்களை சந்தித்த பிறகு பத்திரிக்கையாளர்களை சந்தித்த ரஜினி , சமூக விரோதிகள் போராட்ட களத்தில் ஊடுருவினர் எனவும் இப்படியே போராட்டம் செய்தால் தமிழ்நாடு சுடுகாடு ஆகிவிடும் என கூறி சர்ச்சையை கிளப்பினார்.
இதனையடுத்து சில தினங்களுக்கு முன்பு தூத்துக்குடி ஏர்போர்ட்டில் பாஜக தலைவர் தமிழிசை சவுந்தர்ராஜனை பார்த்து பாசிக பாஜக ஒழிக என கோஷமிட்ட ஷோபியா என்ற மாணவி கைது செய்ய பட்டு பிறகு ஜாமீனில் விடுதலை செய்யபட்டார். அந்த சம்பவம் குறித்து விமான நிலையத்தில் நடிகர் ரஜினிகாந்த் கருது கூற மறுத்துவிட்டார்.
இதனை குறிப்பிடும் வகையில் நடிகை கஸ்தூரி ரஜினியை குறிப்பிட்டு தனது ட்விட்டர் பக்கத்தில் ரஜினியை விமர்சித்து பதிவிட்டுள்ளார்.
ஊரே விவாதிக்கும் விஷயத்தில் ரஜினி மட்டும் கருத்து சொல்ல ஏன் இவ்வளவு தயங்க வேண்டும்?
தவறு நடக்கையில் பேசாமலிருப்பதும் தவறுதான். #MemeKast #Rajini pic.twitter.com/YZooptu8Wh
— Kasturi Shankar (@KasthuriShankar) 6 September 2018
