அட்லீ இயக்கத்தில் வெளியாகி மெகா ஹிட்டான மெர்சல் படத்தை தொடர்ந்து, விஜய் தற்போது சன் பிக்சர்ஸ் நிறுவனத்தின் தயாரிப்பில், ஏ.ஆர்.முருகதாஸ் இயக்கும் சர்கார் படத்தில் நடித்து வருகிறார். ஏற்கனவே இந்த படத்தின் ஃப்ஸ்ட் லுக் போஸ்டர் வெளியாகி ரசிகர்களிடம் பெரும் வரவேற்பை பெற்றது.
இந்நிலையில் வரும் செப்டம்பர் 24-ம் தேதி இப்படத்தின் சிங்கிள் டிராக் வெளியாக உள்ளது. மேலும் இப்படத்தின் இசை வெளியீட்டு விழா வரும் அக்டோபர் 2-ம் தேதி திரைக்கு வர உள்ளது. இதனையடுத்து இப்படத்தின் பாடல்கள் எப்படி இருக்கும் என ரசிகர்கள் பலரும் பாடலாசிரியர் விவேக்கிடம் கேட்டுள்ளனர். மெர்சல் படத்தில் இடம்பெற்ற ஆளப்போறான் தமிழன் பாடலைப் போல இப்படத்திலும் ஒரு மாஸான பாட்டு இருக்குமா? என கேள்வி எழுப்பி இருந்தனர்.
இதற்கு பதிலளித்த பாடலாசிரியர் விவேக் சர்காரில் ஆளப்போறான் தமிழன் போல பாடல் இருக்காது, அது வேறு இது வேறு. இப்படத்தில் வேறு மாதிரியாக பணி புரிந்துள்ளோம். நானும் பாடல் வரிகள் பற்றிய விமர்சனங்களுக்காகா காத்துக் கொண்டிருப்பதாக கூறியுள்ளார்.
