தமிழ் சினிமாவின் முன்னணி நடிகரான விஜய் நடிப்பில் உருவான ‘சர்கார்’ படத்தின் இசை வெளியீடு விழா கடந்த 2 ம் தேதி சென்னையில் பிரமாண்டமாக நடைபெற்றது. அப்போது விஜய் அரசியலுக்கு நுழைவதற்கு அஸ்திவாரம் போடும் விதமாக பேசினார் .
அவர் பேசுகையில் நான் இந்த படத்தில் முதல்வராக நடிக்கவில்லை, ஒருவேளை நான் முதல்வரானால், ஊழலை ஒழிக்க முயற்சி செய்வேன், ஆனால் அது முடியுமா? என்று தெரியவில்லை என்று கூறினார். மேலும் தலைவர்கள் இப்படித்தான் இருக்கவேண்டும் என குட்டிக்கதை ஒன்றையும் கூறியுள்ளார்.
இதற்கு தலைவர்கள் பலர் ஆதரவு தெரிவித்தும்,பலர் எதிர்ப்பு தெரிவித்தும் உள்ளனர். மேலும் அவர் அவ்வாறு பேசிய பிறகு எங்கு திரும்பினாலும் அவர் பற்றிய பேச்சு தான். மேலும் பல தொலைக்காட்சிகளில் விவாதம் நடந்துக்கொண்டே இருக்கின்றது.
இந்நிலையில் திமுக-வை சார்ந்த மதிமாறன் என்பவர் விஜய்யை மிகவும் கடுமையாக விமர்சனம் செய்துள்ளார்.
இதில் இவர் பேசுகையில் ‘தளபதி என்றால் அது ஸ்டாலின் மட்டும் தான் வேறு யாருமே இல்லை, சில நடிகர்கள் எல்லாம் படத்தில் பேசிய நியாபகத்திலேயே வெளியே வந்தும் பேசுகின்றனர்.
எடுத்தவுடனே முதலமைச்சரானால் என்று சொல்கிறார்கள், முதலமைச்சர் ஆக முதலில் எம்.எல்.ஏ ஆகியிருக்க வேண்டும் .இந்த அடிப்படை கூட தெரியாதவர்கள் நாட்டை ஆள வந்துவிட்டார்கள்’ என கடுமையாக பேசியுள்ளார்.
