மதுரை ஓட்டலில் இருந்த இன்று தங்க தமிழ்ச்செல்வன் இன்று நிருபர்களிடம் பேட்டி அளித்தார். அப்போது அவர் கூறியவை, 18 எம்.எல்.ஏ.க்கள் தகுதி நீக்கம் குறித்து சுப்ரீம் கோர்ட்டில் மேல்முறையீடு செய்வதா? வேண்டாமா? என்பது குறித்து கழக துணை பொதுச்செயலாளர் தினகரன் இன்று எங்களுடன் ஆலோசனை நடத்தயுள்ளார்.
இந்த ஆலோசனை கூட்டத்தில் தகுதி நீக்கம் செய்யப்பட்ட எம்.எல்.ஏ.க்கள் மற்றும் எங்களுக்கு ஆதரவு தெரிவித்து வரும் எம்.எல்.ஏ.க்களான பிரபு, கலைச்செல்வன், ரத்தின சபாபதி ஆகியோரும் கலந்து கொள்ளயுள்ளனர்.
அடுத்தகட்ட நடவடிக்கை குறித்து அனைவரின் கருத்துக்களையும் கேட்டபின்பு துணை பொதுச்செயலாளர் தினகரன் உரிய முடிவை எடுப்பார்.
18 எம்.எல்.ஏ.க்கள் தகுதி நீக்க தீர்ப்பு குறித்து பொதுச்செயலாளர் சசிகலாவுக்கு தெரிவிக்கப்படும். அ.தி.மு.க.வில் உள்ள மேலும், சில எம்.எல்.ஏ.க்கள் எங்களது அடுத்த கட்ட நடவடிக்கையால் எங்கள் பக்கம் வருவார்கள் என்று கூறியுள்ளார்.
