தொடர்ந்து சாதனை படைத்துவரும் விராட் கோலி!

வெஸ்ட் இண்டீஸ் அணிக்கு எதிரான மூன்றாவது ஒருநாள் போட்டியிலும் சதம் அடித்து இந்திய அணியின் கேப்டன் விராட் கோலி முச்சதம் அடித்த முதல் இந்தியா் என்ற சாதனையை படைத்துள்ளார்.

இந்தியா சுற்றுப் பயணம் வந்துள்ள வெஸ்ட் இண்டீஸ் அணி 2 டெஸ்ட், 5 ஒருநாள், 3 டி20 போட்டிகளில் விளையாட வந்துள்ளது. இரண்டு டெஸ்ட் போட்டியிலும் இந்தியா அபார வெற்றியை பதிவு செய்தது.

தொடர்ந்து முதல் ஒருநாள் போட்டியில் இந்தியா மிக சிறப்பான வெற்றி பெற்றது. 2வது ஒருநாள் போட்டி சமனில் முடிந்தது.

இந்தியா – வெஸ்ட் இண்டீஸ் அணிகள் மோதிய மூன்றாவது ஒருநாள் போட்டியில் வெஸ்ட் இண்டீஸ் வெற்றி பெற்றது. ஏற்கனவே நடைபெற்ற இரண்டு போட்டிகளிலும் சதமடித்து வியக்க வைத்த விராட் மூன்றாவது போட்டியிலும் சதமடித்தார்.

போட்டியில் தோல்வி ஏற்பட்டாலும் கோஹ்லியின் சாதனைப் பட்டியல் தொடா்ந்த வண்ணம் உள்ளது. விராட் கோலி ஒருநாள் போட்டிகளில் 49 அரைசதம், மேற்கு இந்திய தீவுகள் அணிக்கு எதிராக 10 அரைசதம், ஒருநாள் போட்டிகளில் 38வது சதம், ஒரே ஆண்டில் (2018) 6 சதம் என பல சாதனைகளை படைத்துள்ளார்.