குடும்பத்துடன் சென்னை திரும்பிய அஜித்! சுற்றி வளைத்த ரசிகர்கள் குட்டி அஜித்துடன் எடுத்த புகைப்படம்

கோவாவில் இருந்து சென்னை திரும்பியபோது எடுக்கப்பட்ட அஜித் மற்றும் அவரது குடும்பத்தினரின் வீடியோ சமூக வலைதளங்களில் வைரலாகப் பரவி வருகிறது.

பொதுவாகவே திரையுலகைச் சேர்ந்தவர்களின் குடும்ப உறுப்பினர்கள் பற்றி தெரிந்து கொள்வதில் ரசிகர்களுக்கு ஆர்வம் அதிகம். ஆனால் தங்களது புகழ் வெளிச்சம், குடும்பத்தார் மீது குறிப்பாக குழந்தைகள் மீது படர்வதை பல முன்னணி பிரபலங்கள் விரும்புவதில்லை. இதில் ஒருவர் தான் அஜித் குமார்.

அதேபோல் பொது இடங்களில் இத்தகைய பிரபலங்களைப் பார்க்கும்போது உடனடியாக அவர்களை தங்களது கேமராவிற்குள் பிடித்துவிடவே ரசிகர்கள் அதிக ஆர்வம் காட்டுகின்றனர். அதேபோல், அவர்களுடன் செல்பி எடுத்துக் கொள்ளவும் விரும்புகின்றனர்.

கடந்த சில தினங்களுக்கு முன் விஸ்வாசம் பட வேலைகள் முடிந்து ஓய்விற்காக தனது குடும்பத்துடன் கோவா சென்றார் அஜித். அப்போது விமான நிலையத்தில் எடுக்கப்பட்ட வீடியோ மற்றும் புகைப்படங்கள் வைரலானது.