ராகவா லாரன்ஸ் இயக்கத்தில் திகில் கலந்த காமெடி படமாக கடந்த 2007-ஆம் வெளியாகிய படம் `முனி’. இந்த படத்தில் ராகவா லாரன்ஸ், ராஜ்கிரண், கோவை சரளா உள்ளிட்ட பல பிரபலங்கள் நடித்து இருந்தனர்.
அதனைத் தொடர்ந்து 4 வருடங்களுக்கு பிறகு `முனி’ படத்தின் இரண்டாவது பாகம் `காஞ்சனா’ என்ற பெயரில் வெளியானது. இந்த படம் பெரிய அளவில் வெற்றி பெற்றது. இதன் மூலம் ராகவா லாரன்ஸ் மீதான எதிர்பார்ப்பு அதிகரித்தது. அதனைத் தொடர்ந்து `காஞ்சனா 2′ படமும் வெளியாகி ரசிகர்கள் மத்தியில் நல்ல வரவேற்பை பெற்றது.
இந்நிலையில், `காஞ்சனா’ படத்தின் மூன்றாவது பாகம் தற்போது பிரமாண்டமாக உருவாகி வருகிறது. இதில் `முனி’ படத்தில் லாரன்ஸ் ஜோடியாக நடித்த வேதிகா, ஓவியா கதாநாயகியாக நடிக்கின்றனர். மேலும் நிகிதா, கோவை சரளா, ஸ்ரீமன், தேவதர்ஷினி, கபீர் துஹான் சிங், மனோபாலா, சத்யராஜ் உள்ளிட்ட பல நடிகர்கள் நடித்து வருகின்றனர்.
The much awaited MUNI 4 series – KANCHANA 3 by Raghava Lawrence is nearing completion of shooting and will release in April 2019.#Kanchana3
— Sun Pictures (@sunpictures) December 20, 2018
படப்பிடிப்பு இறுதிக்கட்டத்தை நெருக்கி நிலையில், படம் தமிழ் புத்தாண்டை முன்னிட்டு ஏப்ரல் மாதம் 2019-ல் ரிலீசாக இருப்பதாக படக்குழு டுவிட்டரில் அதிகாரப்பூர்வமாக அறிவித்துள்ளது.
சன் பிக்சர்ஸ் தயாரிக்கும் இந்த படத்திற்கு எஸ்.தமன் இசையமைக்க, வெற்றி ஒளிப்பதிவு செய்கிறார்.
