தமிழகத்தில் பல மேடைகளிலும், தொலைக்காட்சி நிகழ்ச்சிகளிலும் தனது காமெடி பேச்சின் மூலம் மக்களிடையே பிரபலமானவர் மதுரை முத்து.
நகைச்சுவை நடிகரான இவர் அசத்தப்போவது யாரு, கலக்கப்போவது யாரு, சண்டே கலாட்டா என பல நிகழ்ச்சிகளில் கலந்துகொண்டு சிரிக்க வைக்கும் திறமையால் அனைவரையும் மகிழ்ச்சியில் ஆழ்த்துவார்.
அதனை தொடர்ந்து மதுரை முத்து தற்போது பிரபல தொலைக்காட்சியில் ஒளிபரப்பாகும் காமெடிய ஜங்ஷன் என்ற நிகழ்ச்சியில் நடுவராக உள்ளார். மேலும் அவர் சில படங்களிலும் காமெடி ரோல்களில் நடித்துள்ளார்.
கடந்த சில வருடங்களுக்கு முன்பு முத்துவின் மனைவி லேகா கார் விபத்தில் உயிரிழந்தார். அவர்களுக்கு இரு பெண்குழந்தைகள் உள்ளனர்.அதனை தொடர்ந்து அவர் மறுமணம் செய்துகொண்டார்.
இந்நிலையில் தற்போது அவரை மீண்டும் ஒரு சோகம் சூழ்ந்துள்ளது. மதுரை முத்துவின்அம்மா வெள்ளைத்தாய் இன்று காலை 8 மணியளவில் காலமாகியுள்ளார். மேலும் அவரின் இறுதி சடங்கு நாளை மாலை மதுரை திருமங்கலத்தில் நடைபெறவுள்ளது என்ற தகவல் வெளியாகியுள்ளது.
