இந்தியாவில் சுற்றுப்பயணம் மேற்கொண்டுள்ள ஆஸ்திரேலிய கிரிக்கெட் அணி இரண்டு 20 ஓவர் மற்றும் 5 ஒரு நாள் போட்டிகளில் விளையாடுகிறது. இதில் முதலில் தொடங்கும் டி20 தொடரின் முதல் போட்டி துறைமுக நகரான விசாகப்பட்டினத்தில் இன்று (ஞாயிற்றுக்கிழமை) தொடங்குகிறது.
இதுவரை இந்தியா-ஆஸ்திரேலிய 18 முறை நேருக்கு நேர் மோதியுள்ள நிலையில், 11-ல் இந்தியாவும், 6-ல் ஆஸ்திரேலியாவும் வெற்றி பெற்றுள்ளது. ஒரு ஆட்டத்தில் முடிவு இல்லை. இன்று இரவு 7 மணிக்கு துவங்கும் இந்த ஆட்டத்தை ஸ்டார் ஸ்போர்ட்ஸ் சேனல் நேரடி ஒளிபரப்புகிறது.
போட்டிக்கான இரு அணிகளின் உத்தேச பட்டியல் வருமாறு:-
இந்தியா: ரோகித் சர்மா, ஷிகர் தவான், விராட் கோலி (கேப்டன்), தினேஷ் கார்த்திக் அல்லது லோகேஷ் ராகுல், ரிஷாப் பான்ட், டோனி, குருணல் பாண்ட்யா, விஜய் சங்கர், ஜஸ்பிரித் பும்ரா, உமேஷ் யாதவ், யுஸ்வேந்திர சாஹல்.
ஆஸ்திரேலியா: டார்சி ஷார்ட், ஆரோன் பிஞ்ச் (கேப்டன்), பீட்டர் ஹேன்ட்ஸ்கோம்ப், மேக்ஸ்வெல், மார்கஸ் ஸ்டோனிஸ், ஆஷ்டன் டர்னர், அலெக்ஸ் காரி, கம்மின்ஸ், நாதன் கவுல்டர்-நிலே, ஆடம் ஜம்பா, கேன் ரிச்சர்ட்சன் அல்லது ஜாசன் பெரேன்டோர்ப் அல்லது ஜெயே ரிச்சர்ட்சன்.
