இன்று பொள்ளாச்சியில் மிகப்பெரிய அளவில் போராட்டம் வெடிக்கக்கூடும் என்பதால் : பொள்ளாச்சி நகரில் உள்ள 7 கல்லூரிகளுக்கும் இன்று விடுமுறை அளிக்குமாறு, கல்லூரி நிர்வாகங்களுக்கு போலீசார் வேண்டுகோள் விடுத்துள்ளனர்.
பொள்ளாச்சியில் இளம்பெண்களிடத்தில் பாலியல் அத்துமீறல் குற்றத்தில் ஈடுபட்ட திருநாவுக்கரர், சரிராஜா, சதீஸ் மற்றும் வசந்தகுமார் என்பவர்களை காவல் துறையினர் கைது செய்து விசாரணை நடத்தி வருகின்றனர்.
சமீபத்தில் இளம் பெண்ணை அரை நிர்வாணமாக ஒரு அறையில் அடைத்து 4 பேரும் கொடுமை படுத்தும் வீடியோ காட்சிகள் சமூக வலைத்தளங்களில் வெளியாகியது.
வீடியோ வெளியானதும் சமூக வலைத்தளங்களில் பல்வேறு அரசியல் கட்சி தலைவர்கள் கடும் கண்டனம் தெரிவித்தனர். அதன்பின்பு 4 பேர் மீதும் குண்டர் சட்டத்தில் நடவடிக்கை எடுத்துள்ளனர்.
அதற்கு பிறகு இந்த விவகாரம் தமிழக அளவில் கொந்தளிப்பை ஏற்ப்படுத்தியுள்ளது. ஜல்லிக்கட்டிற்காக போராட்டம் வெடித்ததை போல, மாணவர்கள் வகுப்பை புறக்கணித்து விட்டு குற்றவாளிகள் மீது நடவடிக்கை எடுக்க கோரி போராடி வருகின்றனர்.
இந்த நிலையில், பொள்ளாச்சியில் இன்று மிகப்பெரிய அளவிலான போராட்டம் வெடிக்க கூடும் என்ற அச்சத்தில், ஏராளமான காவல் துறையினர் அங்கு குவிக்கப்பட்டுள்ளனர்.
பல்வேறு இடங்களில் இருந்து வந்து மாணவர்கள் ஒன்று கூட வாய்ப்பு உள்ளதால், வாகன சோதனை தீவிரப்படுத்தப்பட்டுள்ளது. அதே வேளையில், அசம்பாவிதங்களை தடுக்க பொள்ளாச்சி நகரில் உள்ள 7 கல்லூரிகளுக்கும் இன்று விடுமுறை அளிக்குமாறு, கல்லூரி நிர்வாகங்களுக்கு போலீசார் வேண்டுகோள். விடுத்துள்ளனர்.
இதனால் நிலவும் பதற்றம் காரணமாக பொள்ளாச்சி மக்களின் இயல்பு வாழ்க்கை முற்றிலுமாக பாதிக்கப்பட்டுள்ளது.
