வைரலாகும் இளைஞரின் புகைப்படம்!

வங்கதேசத்தைச் சேர்ந்த கட்டிடத் தொழிலாளி ஒருவரின் புகைப்படம் சமூக வலைதளங்களில் வைரலாக பரவி வருகிறது.

கடந்த மார்ச் 21ஆம் திகதி அபெடன் முங் என்பவர், தனது ட்விட்டர் பக்கத்தில் இளைஞர் ஒருவரின் புகைப்படத்தை பதிவிட்டிருந்தார். அந்த இளைஞர் வங்கதேசத்தைச் சேர்ந்த கட்டிடத் தொழிலாளி என தெரிவித்திருந்தார்.

மேலும், நான் புகைப்படம் எடுக்கும்போது அந்நபர் மிகவும் வெட்கப்பட்டார். அவருக்கு எங்கு பார்க்க வேண்டும் என்றே தெரியவில்லை. அவர் கமிராவைப் பார்த்தபடி ஒரு புகைப்படம் மட்டுமே எடுக்க முடிந்தது.

நான் இறுதியாக அவரைப் புகைப்படம் எடுத்து விட்டேன். அவர் அழகாக இருக்கிறார் அல்லவா? என குறிப்பிட்டு பதிவிட்டார். இந்த புகைப்படம் சமூக வலைதளங்களில் வைரலாக பரவி வருகிறது.

பலர் அந்த நபரின் முகத்தோற்றம் மொடலைப் போல் உள்ளது என்று புகழ்ந்துள்ளனர். அத்துடன் இந்தப் புகைப்படம் தற்போது வரை 24,500 ட்வீட்களையும், 68,700 லைக்குகளையும் தாண்டியுள்ளது. இந்த செய்தியை வங்கதேச ஊடகங்கள் வெளியிட்டுள்ளன.

இதற்கு முன்பு பாகிஸ்தானைச் சேர்ந்த இளைஞர் ஒருவரும், ஆப்கானிஸ்தானைச் சேர்ந்த பெண் ஒருவரும் பார்ப்பதற்கு மொடலைப் போன்று இருப்பதாக சமூக வலைதளங்களில் பிரபலம் அடைந்தனர் என்பது குறிப்பிடத்தக்கது.