தமிழ் சினிமாவில் கேடி படத்தின் மூலம் அறிமுகமாகி, கல்லூரி படத்தின் மூலம் பிரபலமானவர் நடிகை தமன்னா.
இவர் விஜய், அஜித் என பல முன்னணி நடிகர்களோடு நடித்து ரசிகர்களிடையே நல்ல வரவேற்பை பெற்ற இவர் தமிழ் மட்டுமின்றி தெலுங்கு, கன்னடம் என பல மொழிகளிலும் நடித்துள்ளார்.
இந்நிலையில் நடிகையாக கலக்கி வந்த தமன்னா தற்போது ஒரு சில படங்களில் ஒரு பாடலுக்கு மட்டும் குத்தாட்டம் போட்டு வருகிறார். சில நாட்களுக்கு முன்னர் கன்னடத்தில் வெளியான கே.ஜி.எப் படத்தில் ஒரு பாடலுக்கு நடனமாடி இருந்தார். இந்நிலையில் அவருக்கு சரியான பட வாய்ப்புகள் வரவில்லை அதனால்தான் நடனமாடுகிறார் என செய்திகள் பரவியது. தமிழில் தமன்னா நடிப்பில் தேவி 2 படங்கள் வெளியாக உள்ளது.
இந்தநிலையில், நடிகை தமன்னா முதல்முறையாக கதாநாயகன் இல்லாத படத்தில் தனியாக முதன்மைக் கதாபாத்திரத்தில் நடிக்க உள்ளார். இந்தப் படத்தை இயக்குனர் ரோஹின் வெங்கடேஷன் இயக்குகிறார். கடந்த 2017ல் இவர் இயக்கத்தில் வெளியான முதல் படம் ‘அதே கண்கள்’.
இவர் சொன்ன கதையைக் கேட்ட தமன்னா, அதில் நடிக்க சம்மதம் தெரிவித்துள்ளார். இந்தப் படத்தில் கதாநாயகன் இல்லை. படம் முழுக்க முழுக்க தமன்னாவின் கதாபாத்திரத்தைச் சுற்றி நடக்கும் சம்பவங்களை அடிப்படையாகக் கொண்டு ஈடுபடும் படம். தமன்னாவுடன் நகைசுவை யோகி பாபுவும் இந்தப் படத்தில் நடிக்கிறார். விரைவில் படம் குறித்து அதிகாரப்பூர்வ அறிவிப்பு வெளியாகும் என்று தெரிகிறது.
