காதல்னாலும் சரி கல்யாணம்னாலும் சரி இரண்டுக்குமே அடிப்படை என்பது அன்புதான். இருந்தாலும், காதலிக்கும்போது ஒருவர் மீது இருக்கும் அன்பிற்கும், கல்யாணத்திற்கு பின் ஒருவர் மீது இருக்கும் அன்பிற்கும் உளவியல் ரீதியாக பல வித்தியாசங்கள் உள்ளன. இந்த வித்தியாசம் தெரிஞ்ச உங்கள் காதல் வாழ்க்கையோ அல்லது கல்யாண வாழ்க்கையோ அழகானதாக இருக்கும். அப்படி என்ன வித்தியாசம் இருக்குனு தெரிஞ்சிக்க படத்தொகுப்பை பாருங்க!
சமூக நிலைப்பாடு:
நீங்க ஒருவரைக் காதலிக்கும்போது, பெரும்பாலான நபர்களிடம் நீங்கள் அவர்களை உங்கள் காதல் துணையாக அறிமுகம் செய்து வைக்கமாட்டீர்கள். ஏனெனில், அது நிலையில்லாத ஒரு உறவாக உங்களுக்குத் தோன்றலாம். ஆனால், கல்யாணம் என்பது நிலையான உறவு என்பதால், திருமணத்திற்கு பின் உங்கள் வாழ்க்கைத் துணையை மற்றவர்களிடம் அறிமுகம் செய்ய தயங்குவதில்லை.
கருத்து ஒத்துப்போகுதல்:
காதலைப் பொறுத்த வரையில் ஒருவரது கருத்து மற்றவர்களின் கருத்துடன் ஒத்துப்போக வேண்டிய தேவையில்லை. உங்கள் கருத்தும் உங்கள் காதல் துணையின் கருத்தும் சில விஷயங்களில் மாறுபடலாம். இந்தக் கருத்து வேறுபாடுகளால் தான் பல நேரங்களில் காதல் முறிவு ஏற்படுகிறது. திருமணத்தில், உங்கள் இருவரின் கருத்தும் முக்கியத்துவம் பெறுகின்றது. இதனால், ஒருவரை ஒருவர் விட்டுக்கொடுத்து போக வேண்டிய நிலை உண்டாகும்.
கமிட்மென்ட்:
திருமணம் என்பதில் கமிட்மென்ட் என்பது மிக முக்கியமான ஒன்று. இந்த கமிட்மென்ட்தான் திருமணத்தின் மூலாதாரம் எனலாம். ஒருவரை ஒருவர் நம்பவில்லை என்றால் அந்த உறவு என்பது சிறப்பானதாக இருக்காது. ஆனால், காதலில் கமிட்மென்ட் என்பது ஒரு அளவிற்கு மட்டுமே உள்ளது. காதலில் மோதல் உண்டாகும் போது, கமிட்மென்ட் என்பது மாறலாம்.
முக்கியத்துவம்:
காதலில் இருக்கும்போது, நீங்கள் உங்கள் குடும்பம், நண்பர்கள், உங்களுக்குப் பிடித்த விஷயங்கள் என பல விஷயங்களுக்கும் முக்கியத்துவம் கொடுப்பீர்கள். ஆனால், திருமணத்தில் நீங்கள் உங்கள் குடும்பத்திற்கு அதிக முக்கியத்துவம் கொடுக்க வேண்டியிருக்கும்
எதிர்பார்ப்புகள்:
காதலிக்கும்போது, உங்கள் காதல் துணை மீதான் எதிர்பார்ப்பு என்பது பெரிதாக இருக்காது. ஆனால், உங்கள் திருமணத்தில் உங்கள் வாழ்க்கைத்தோனை மீதான எதிர்பார்ப்பு என்பது மிகவும் அதிகமானதாக இருக்கும்.
பேச்சு வார்த்தைகள்:
காதலிப்பவர்கள் பெரிதாக ஒருவரின் தனிப்பட்ட வாழ்க்கையை பகிர்வதில்லை. அவர்களின் உரையாடல்கள் என்பது மேலோட்டமானதாகவே இருக்கும். ஆனால் திருமணத்தில், நீங்கள் அதிகம் பேச வேண்டிய சூழல் உண்டாகும். அவர்களை சார்ந்து நீங்களும், உங்களைச் சார்ந்து அவர்களும் உள்ளதால் உங்கள் உரையாடல்கள் அதிக அளவில் இருக்கும்.
